வசந்தத் துள்ளல்

&

வசந்தத்தின் துள்ளலாய் தென்காற்றின் நர்த்தனம்

மாலைப்பொழுதின் மயக்கும் மேடையில் --

காதுள் நிறைத்து கன்னத்தில் தடவி

அவசர கதியில் ' பர பர'க் காற்று -

செல்லும் வழியில் சொல்லும் சேதியில்

மரங்களின் வாய்களில் குதித்தெழும் சிரிப்பு-

உடல் குலுங்கக் குலுங்க மரமே சிரிப்பாய் !

வசந்தம் வந்திட என் கழுத்தே வலிக்கும்

மரத்துள் புதைந்து கூவும் குயிலைத் தேடி-

கண்ணைச் சிறுக்கி இலைதழை செருகி

சிறு அசைவு தேடலில் மௌனம் காத்து

அலுத்துத் திரும்பிட அந்நொடி கத்தும்

'குஹூக் குஹூக் ' என குபுக் குபுக் குமிழாய்-

சித்திரை வருகுது திருவிழா துவங்குது

மாலைக் காற்றுள் மக்களை அழைக்குது

காலை கடுமைக்கு மாலை மருந்தாய் !

------சந்திர கலாதர்