நேயத்தால் பேரண்டம் ஆனவன்

&

சற்றுக் காலம் தாழ்ந்து விடுகிறது இன்று -

வானம் எனக்காகக் காத்திருக்கிறது ;

புதிய மேக அணிவகுப்புகளுடன் --

காற்று நின்று போயிருக்கிறது ;

வந்ததும் புன்னகை முத்தம் பொழிகிறது -

பறவைகள் மௌனம் காத்திருக்கின்றன ;

கண்டதும் களிப்பில் கீத அலைகளாகின்றன---

எனக்காக மரங்கள் சிலைத்துக் காண்கிறேன் ;

பார்த்ததும் பச்சைப் பற்கள் பளீரிடுகின்றன --

சூரியன் ஆரஞ்சு சோகம் போர்த்திருக்கிறான் ;

பார்த்ததும் பளீர் கரங்கள் பரப்பித் தொடுகிறான் --

அண்டங்களின் அணுவின் அற்பக்கூறும் இல்லாதவன் ;

ஆனால் நேயத்தால் நான் பேரண்டம் ஆனவன் !

-----சந்திர கலாதர்