சிறு புல்லாய்ச் சிரிப்பதில் என்ன சுகம் ?

சிறு புள்ளாய்ப் பறப்பதில் என்ன சுகம் ?

ஒரு கூழாங்கல்லாய் நீரோடைதனில்

மயங்கிக் கிடப்பதில் யாது சுகம் ?

பெருமலையாய் நீல வடிவெடுத்து

வான் முட்டிக் கிடப்பதில் யாது சுகம் ?

மணல் சரிவில் அலையாய்ச் சிரித்தேறி

புன்னகைப் பூச்சறுக்கலில் என்ன சுகம் ?

ஒரு குட்டிக் காற்றாய் ஓடி வந்து

இலைகளிடைத் திரிவதில் யாது சுகம் ?

ஒரு புகழும் வேண்டேன் பெயர் வேண்டேன் ;

இந்த சுகங்கள் என்றும் எனைச் சேரின்

அதுவே போதும் மனம் நிறைவேன் !

-----------சந்திர கலாதர்